/p. 199/ DIALOGUS XXX.
De piscium generatione.
Alex –
Dic igitur: quo pacto generantur
pisces? I. C. – Quidam ex putredine,
ut de tineis et anguillis apud Naturae consultos
compertum est. Sane in paludibus,
ubi nec fluviorum nec maris accessus
ullus, tineae adiveniuntur complures. In stagno
Magalonae ex equino cadavere anguillas
innumeras procreatas scribit Rondeletius.
Addunt sapientes ex anguillae saliva alias
concreari, quod ad spontaneam generationem
referunt. Est enim pinguis admodum
et putredini obnoxia. Nos aliquando in vitrea
pyxide Soli exposita anguillam servavimus
et ex crassa ipsius saliva, Solis calore adiuta,
vermiculi prodiere. Alex. – Laudo curiositatem
et Naturae opera admiror. I. C. –
Alij ex maris spuma congenerantur, ut apuae
seu aphyae. Alex. – Forsitan habent[11]
putredinem pro parente. I. C. – Non magis
quam sal habet ipsum mare; in spuma salsa
putredo non est. Alex. – Quomodo igitur
spuma eos progignit? I. C. – Admixta pluvia